ما هو المتجر الإلكتروني؟
هو زى اى محل عادي بس على الإنترنت … بتعرض فيه بضاعتك و الناس تشوفها،
تعجبها ،تشتريها
ما هى مكونات المتجر الإلكتروني؟
الدومين وهو العنوان اللى عن طريقه
الناس تقدر توصل لمتجرك مثلا
www.example.com
الاستضافة وهى الشركة اللى بتديلك مساحة
تأجرها على النت عشان تعمل فيها الموقع بتاعك زي ما بتروح تأجر مكان عشان
تعمله محل تعرض فيه بضاعتك
الموقع الإلكتروني ودة هو المحل بتاعك
او الصفحة اللى بتعرض فيها البضاعة ممكن تبقى موقع خاص او جروب او صفحة على
الفيسبوك
مميرات المتجر الإلكتروني
انه بيكون مفتوح طول الوقت ومش محتاج
تقفله وقت الصلاة او النوم و بتبيع بضاعتك وانت نايم.
ان العملاء ممكن يجيوا من اى مكان بسهولة
يعنى انتشار اوسع و امكانية تصدير للخارج.
تكاليف انشاءه قليلة جدا مقارنة بالمحلات
العادية التى تحتاج الى مبالغ كبيرة لايجارها.
لا يحتاج لموظفين ممكن تباشر الموضوع
بنفسك.
العملاء بتكون امامها فرصة لمقارنة
الأشكال و الاسعار على الانترنت من متاجر مختلفة.
عيوب المتجر الإلكتروني
غير منتشر فى الدول العربية
الناس مش بتقدر تعاين الحاجة قبل ما تشتريها.
محتاج وقت عشان الناس تثق فيك وفى جودة بضاعتك.
ناس كتير ممكن ميكنش عندهم جدية فى الشراء و يتعبوك على الفاضى.
زى ما قلنا فى المميزات ان الناس هتقارن الحاجة من متاجر مختلفة قبل الشراء
يعنى لو بضاعتك مش مميزة وسعرها منافس محدش هايشترى
منك.
شيء جميل ومهم جدا
ردحذف