اشياء خاطئة فى التسوق الالكترونى

اشياء تخلى الناس ما تشتريش منك

                                                                                              

عدم وضوح سياسة التسعير

ليه ما تكتبش اسعارك مادامت اسعارك موحدة للناس كلها.. انت كدة بتخسر زباين كتير اوي بيفتكروا ان انت ما عندكش مصداقية وانك بتدي السعر على حسب مستوى العميل.

المغالاة في الاسعار بشكل غير منطقي

بعض الناس بيكون عايز المنتج بتاعه يقتصر على فئة معينة من الناس هى فقط اللى تشتريه عشان المنتج ما  أو لرغبته في الثراء السريع بين يوم وليلة فبيلجأ لرفع الاسعار بطريقة مبالغ فيها جدا.... ودا اكبر خطأ

أولا:ان المنتج بتاعك لسة في بدايته وبالتالي انت مش ماركة معروفه فاى واحد هييجي يشتري منك وتقوله مثلا التيشيرت دي ب250 جنيه علطول هيقارن بينها وبين اى تيشيرت ماركة مشهورة ممكن يجيبها بنفس السعر دة او اقل وغالبا المقارنة هتكون في صالح الشركات الكبيرة اللى عملت اسمها في السوق وخاصة ان الفئة اللى انت عايز تستهدفها دي بالذات بيحبوا يلبسوا ماركات.

ثانيا: لازم تعرف ان الفئة اللى انت بتستهدفها دي قليلة جدا يعني ممكن ما تحققش لك الربح اللى يخليك تستمر في تجارتك دة غير انها فئة من الصعب جدا ارضائها يعني ممكن في الآخر ما يشتروش منك خالص ويشتروا الماركات زى ما قلتلك.

احساس الناس بعدم الثقة

دة سبب مهم اوي وخصوصا انك بتبيع عن طريق الانترنت يعني الناس مش شايفة البضاعة وتقدر تعاينها

لازم تديهم احساس بالامان ما ينفعش مثلا تكتب

البضاعة المباعة لا ترد ولا تستبدل

بغض النظر عن ان الجملة دي غير قانونية وتخالف قانون حماية المستهلك لكن بردو الجملة بتدي احساس كبير بعدم الامان … طب افرض البضاعة طلعت بايظة؟

يبقى انت كدا بتخسر العميل بدل ما تكسبه.

الناس مش عارفين يوصلولك
ممكن تكون السلعة بتاعتك هايلة والسوق محتاجها لكن لأنك ما اعلنتش عنها بالشكل الكافي وما عملتش واجب التسويق بتاعك فالناس اصلا ما سمعتش عن سلعتك.

لازم تعمل تسويق للمنتج بتاعك بأكثر من وسيلة وتحاول توصل كلمتك للناس على قد امكانياتك وميزانيتك ..يعني مش لازم تروح لشركة دعاية واعلان عشان يعملولك اعلان ويطلع في التليفزيون